МНС і Белгідрамет абверглі прагнозы «сінаптыка» Лукашэнкі

• 13.03.2026, 13:45

У Беларусь прыйшлі паводкі.

На цяперашні момант у трох раёнах дзвюх абласцей Беларусі застаюцца падтопленымі два прыватныя падвор’і, дзве гаспадарчыя пабудовы і адзін участак аўтадарогі, паведамляе Міністэрства па надзвычайных сітуацыях.

Паводле даных МНС, сёлета падтопленні адзначаліся ў чатырох абласцях і 16 раёнах, якія закранулі 18 жылых дамоў, 8 падвалаў, 44 падвор’і і 11 гаспадарчых пабудоў.

Паводле Белгідрамета, на большасці рэк (басейны Заходняй Дзвіны, Дняпра, Сожа, Бярэзіны і Прыпяці) захоўваецца ледастаў з палонкамі і разводдзямі, назіраецца вада на лёдзе. Ледаход зарэгістраваны на Прыпяці (адрэзак Чэрнічы — Мазыр) і Бярэзіне (Барысаў).

Варта адзначыць, што Лукашэнка 3 сакавіка заявіў, што паводкаў у Беларусі не будзе. Як мы бачым, дыктатар памыліўся.