Істэрычная рэакцыя

• Кірыл Рогаў
• 13.03.2026, 17:46

Пуцін баіцца паўтарыць лёс Хамэнэі?

Мікалай Мітрохін востраумна выказаў здагадку, што інтэрнэт-калапс у Маскве звязаны з тым, што Пуцін, даведаўшыся, што іранскае кіраўніцтва «накрылі», адсачыўшы іх праз сістэму відэакамер самога іранскага рэжыму, загадаў усё адключыць і пераправерыць на прадмет амерыканскага ўмяшання. Увогуле, увесь лічбавы гулаг, які ён натхнёна патранаваў, апынуўся пякельнай падставай. Выглядае даволі праўдападобна.

Але галоўнае не ў дэталях, не ў тым, як у дадзены момант выглядае пагроза. Галоўнае — патэрн істерычнай сілавой рэакцыі на няўдачу. Вось дзесьці ў кароў выявіўся яшчур (а яны — частка свяшчэннага плана дыверсіфікацыі экспарту) — зарэзаць усіх кароў, не ўключаных у план дыверсіфікацыі, нахрэн. Каб ніхто не дакапаўся, каб і мыш не прабегла.

Але якраз мышы бегаюць. Вось Пяскоў кажа, што «мы імкліва губляем каналы ўплыву, акружаныя варожымі сеткамі». Што ён мае на ўвазе? Што, вядома, не трэба закрываць Тэлеграм. Бо альтэрнатывы няма. Тэлевізар здаровыя людзі не глядзяць. Як прэс-сакратар павінен тлумачыць народу логіку вышэйшага розуму? Стоячы перад сценкай?

Эліты трошкі, ледзь заўважна заківалі галовамі. Калі ты ўжо чатыры гады не можаш захапіць Данецкую вобласць, дык навошта рэзаць кароў у Сібіры? Крыху аднекуль патыхнула смажаным.

Кірыл Рогаў, «Фэйсбук»