ЗША абвясцілі ўзнагароду за інфармацыю пра лідэраў Ірана

• 13.03.2026, 22:51

Да $10 млн.

ЗША абяцаюць узнагароду да $10 млн за інфармацыю пра ключавых кіраўнікоў КВІР. Праграма Дзярждэпартамента ЗША «Reward for Justice» апублікаваная ў сацсетцы X.

У публікацыі сказана, што ўлады ЗША шукаюць звесткі пра высокапастаўленых асоб і структуры, сярод якіх:

▪️ Новы Вярхоўны лідар Ірана - Маджтаба Хаменеі;

▪️ Кіраўнік адміністрацыі Вярхоўнага лідара - Алі Асгар Хеджазі;

▪️ Сакратар Савета нацыянальнай бяспекі Ірана - Алі Ларыджані;

▪️ Старшы ваенны дарадца Вярхоўнага лідара - Ях'я Рахім Сафаві;

▪️ Кіраўнік МУС - Эскандар Момені;

▪️ Міністр разведкі - Ісмаіл Хатыб.

У паведамленні гаворыцца, што інфарматары могуць разлічваць не толькі на грашовую ўзнагароду, але і на магчымасць рэлакацыі для забеспячэння бяспекі.