Куба заявіла аб гатоўнасці да перамоваў са ЗША

• 13.03.2026, 23:17

Востраў перажывае найцяжэйшы эканамічны крызіс.

Куба гатовая працягваць перамовы са ЗША, але на аснове прынцыпаў роўнасці і ўзаемнай павагі да палітычных сістэм. Пра гэта падчас прэс-канферэнцыі заявіў прэзідэнт Кубы Мігель Дыяс-Канэль.

Акрамя таго, лідар Кубы заявіў пра гатоўнасць прыняць у краіне прадстаўнікоў ФБР, каб расследаваць узброенае ўварванне амерыканскага катэра ў тэрытарыяльныя воды.

У канцы студзеня прэзідэнт ЗША Дональд Трамп увёў надзвычайны рэжым і дадатковыя пошліны супраць краін, што пастаўляюць нафту на Кубу. У Гаване назвалі гэта шантажом і парушэннем свабоднага гандлю. Пасля спынення паставак і дэфіцыту паліва на Кубе пачаліся адключэнні святла і праблемы з палівам.