Зяленскі другі раз сустрэўся з прынцам-спадкаемцам Ірана Пехлеві

• 13.03.2026, 23:38

Палітыкі абмеркавалі сітуацыю на Блізкім Усходзе.

13 сакавіка прэзідэнт Украіны Уладзімір Зяленскі сустрэўся ў Францыі з прынцам-спадкаемцам Ірана Рэзай Пехлеві.

Адзначаецца, што падчас сустрэчы бакі абмеркавалі сітуацыю на Блізкім Усходзе, настроі ў іранскім грамадстве і стан улады ў Іране.

Прынц-спадкаемец Ірана таксама выказаў зацікаўленасць у больш прамым дыялогу і папрасіў правесці перамовы з прэзідэнтам Зяленскім сам-насам.

«Сустрэўся ў Парыжы з прынцам-спадкаемцам Ірана Рэзай Пехлеві. Падрабязна абмеркавалі сітуацыю ў Іране і ў рэгіёне, а таксама амерыканскую аперацыю супраць тэрарыстычнага рэжыму. Прынц і яго каманда праінфармавалі мяне пра сігналы, якія яны атрымліваюць знутры краіны. Уладная вертыкаль сапраўды ўжо панесла значныя страты, і важна, каб іранскі рэжым ні ў чым не выйграў і каб людзі ў Іране атрымалі больш абароны жыцця і магчымасцяў вызначаць свой лёс. Абмеркавалі, як міжнародны ціск і сумесныя намаганні могуць у гэтым дапамагчы.

Украіна сапраўды хоча ўбачыць вольны Іран, які не будзе супрацоўнічаць з Расіяй і не будзе дэстабілізаваць рэгіён Блізкага Усходу, Еўропу і свет. Удзячны прынцу-спадкаемцу за ясныя запэўніванні ў падтрымцы суверэнітэту і тэрытарыяльнай цэласнасці Украіны. Нашы каманды будуць падтрымліваць сувязь», — распавёў Зяленскі.

Нагадаем, 13 лютага прэзідэнт Уладзімір Зяленскі ў Мюнхене ўпершыню сустрэўся з прынцам-спадкаемцам Ірана ў выгнанні Рэзай Пехлеві.