У цэнтры Мінска здарыўся блэкаўт

• 13.03.2026, 23:46

Што адбылося?

Увечары 13 сакавіка «патух» цэнтр Мінска. Электрычнасць знікла, напрыклад, на Нямізе. У «Мінскэнерга» назвалі прычыну адключэння.

Пра знікненне электрычнасці мінчукі паведамлялі ў сацыяльных сетках.

Пазней сітуацыю патлумачылі ў «Мінскэнерга» — спецыялісты паведамілі, што каля 21.00 у цэнтральнай частцы горада было зафіксавана парушэнне электразабеспячэння ў раёне вуліц Няміга, Ракаўская, Раманаўская Слабада і праспекта Пераможцаў.

«У ходзе аператыўных работ была выяўлена прычына адключэння — пашкоджанне кабельнай лініі 10 кВ. Па стане на 21.57 электразабеспячэнне цалкам адноўлена», — распавялі спецыялісты.