Іран дапусціў магчымасць прапуску нафтавых танкераў праз Армузскі праліў

• 14.03.2026, 8:52

Але ёсць умова.

Тэгеран дапусціў прапуск абмежаванай колькасці нафтавых танкераў праз Армузскі праліў, калі гандаль будзе ажыццяўляцца кітайскімі юанямі.

Пра гэта паведамляе CNN.

Іран разглядае магчымасць дазволіць абмежаванай колькасці нафтавых танкераў праходзіць праз Армузскі праліў, калі гандаль грузамі будзе весціся ў кітайскіх юанях. Пра гэта паведаміў CNN высокапастаўлены іранскі чыноўнік.

Паводле слоў крыніцы, гэты магчымы крок адбываецца на фоне працы ісламскай рэспублікі над новым планам кіравання патокам нафтавых танкераў праз праліў.

Паведамляецца, што міжнародны гандаль нафтай амаль цалкам ажыццяўляецца ў доларах, за выключэннем расійскай нафты, якая падпадае пад санкцыі і таргуецца ў рублях або юанях.

Кітай цягам апошніх некалькіх гадоў спрабаваў прасоўваць свае паслугі, набываючы нафту ў юанях, у прыватнасці ў Саудаўскай Аравіі. Але долар застаецца сусветнай рэзервавай валютай, а юань не карыстаецца шырокім прызнаннем на сусветным рынку.