Украінскія ССО знішчылі «Іскандэры» ў акупаваным Крыме

• 14.03.2026, 16:33

Байцы згулялі на апярэджанне.

Сілы спецыяльных аперацый ЗСУ нанеслі ўдар па расійскіх ракетных комплексах у акупаваным Крыме. Аперацыя адбылася ў ноч на суботу, 14 сакавіка, з выкарыстаннем далёкабойных дронаў падраздзяленняў Deep Strike ССО.

Паводле звестак украінскіх вайскоўцаў, была знішчана пускавая ўстаноўка аператыўна-тактычнага комплексу «Іскандэр» каля вёскі Вішнёвае.

На момант правядзення аперацыі яна ўжо вырушыла на пазіцыю для падрыхтоўкі ўдару па ўкраінскіх гарадах і была замаскіраваная ў лясапаласе. Устаноўка была аснашчаная ракетамі і абслугоўвалася спецыялістамі на месцы. Пасля трапленняў украінскіх беспілотнікаў адбылася другасная дэтанацыя боепрыпасаў.

Акрамя таго, дзякуючы інфармацыі мясцовага падполля ўкраінскія сілы выявілі пункт захоўвання пускавых установак у пасёлку Курортнае. Па гэтай базе таксама быў нанесены ўдар БПЛА, і, паводле звестак ССО, некалькі дронаў дакладна паразілі мэты.