ЕС падоўжыў санкцыі супраць больш чым 2600 расійскіх фізічных і юрыдычных асоб

• 14.03.2026, 19:18

Санкцыі будуць дзейнічаць да 15 верасня 2026 года.

ЕС падоўжыў на паўгода санкцыі супраць больш чым 2600 расійскіх фізічных і юрыдычных асоб.

Абмежавальныя меры ў дачыненні да асоб, адказных за падрыў або пагрозу тэрытарыяльнай цэласнасці, суверэнітэту і незалежнасці Украіны, падоўжаныя да 15 верасня 2026 года. Яны ўключаюць абмежаванні на паездкі, замарожванне актываў і забарону на прадастаўленне сродкаў або іншых эканамічных рэсурсаў.

У межах перагляду санкцый двое чалавек былі выключаныя са спісу, іх імёны не ўдакладняюцца. Паводле дадзеных DW, гэта прадпрымальнікі Майя Балатова і Нільс Троост. Яшчэ 5 чалавек выдаленыя са спісу ў сувязі са смерцю.