«Гэта можа вырашыць вынік усёй бітвы на поўдні Украіны»

• 14.03.2026, 19:59

Тым часам украінская разведка парушае лагістыку Керчанскага праліву.

Ударныя дроны ГУР МА Украіны распачалі сапраўднае паляванне на расійскі чыгуначны паром «Славянин» і судна «Авангард», у выніку чаго на першым узнік пажар, а другое атрымала сур'ёзныя пашкоджанні.

Расійскія акупанты актыўна выкарыстоўваюць Керчанскі напрамак для забеспячэння групоўкі як на паўвостраве Крым, так і на мацярыковай частцы Украіны, якія часова знаходзяцца пад акупацыяй, піша у сваім тэлеграм-канале ўкраінскі вайсковы эксперт Аляксандр Каваленка.

Фактычна можна сказаць, што Украіна не толькі ўсталявала поўны кантроль над акваторыяй Чорнага мора, выгнаўшы з яго расійскія ваенныя караблі, а таксама абмежаваўшы шляхі суднаходства расійскіх танкераў ценявага флоту, але і актыўна пераразае лагістычныя шляхі забеспячэння Крыму.

Пры блакадзе Крыму з мора знішчэнне Керчанскага моста стане крытычным не толькі для групы войскаў «Абарона Крыма», але і для групы войскаў «Днепр», і можа вырашыць вынік усёй бітвы на поўдні Украіны.

Назіраем!