На валютны рынак Беларусі прыйшлі змены

• 14.03.2026, 20:08

У абменніках назіраюцца змены ў дачыненні да долара.

Долар на гэтым тыдні ў асноўным даражэў, але ў асобныя дні і таннеў на таргах Беларускай валютна-фондавай біржы. Як на гэта рэагуюць абменнікі? Спойлер: курс продажу долара ў банках упрытул набліжаецца да трох рублёў, піша «Зеркало».

Найвышэйшы курс продажу долара ў банках — 2,995 рубля («Банк БелВЭБ»), а найніжэйшы — 2,942 рубля («Банк РРБ», «БНБ-Банк», «Тэхнабанк», «БСБ Банк»).

Удакладнім, што ў розных абменніках аднаго банка курсы валют могуць адрознівацца.

Найбольш выгадна здаваць амерыканскую валюту ў «Альфа-Банк» — 2,943 рубля.

Найвышэйшы курс продажу еўра ў банках — 3,48 рубля («Банк БелВЭБ»), а найніжэйшы — у «Банк РРБ», «БНБ-Банк», «БСБ Банк», «Статусбанк» (3,392 рубля).

Еўра найбольш выгадна здаваць у «БСБ Банк», «Статусбанк» — 3,393 рубля.

Найвышэйшы курс продажу ў банках расійскага рубля — 3,75 рубля за 100 расійскіх рублёў («Банк БелВЭБ»), а найніжэйшы — 3,677 рубля («Банк РРБ», «БНБ Банк», «БСБ Банк», «Статусбанк»).

Курс куплі ў банках расійскага рубля вышэй за ўсё ў «Банк РРБ», «БНБ Банк», «Статусбанк» — 3,673 рубля за 100 расійскіх рублёў.

Заўважым, што некаторыя эканамісты чакалі зменаў на пачатку 2026 года на беларускім валютным рынку. Сярод іншага прагназавалася, што нацвалюта аслабне адносна долара — дасягне псіхалагічнай адзнакі «тры рублі».