Украіна прадставіла 31 краіне дадзеныя пра наступствы атак на «Дружбу»

• 14.03.2026, 22:36

У Кіеве некалькі дзён знаходзяцца венгерскія эксперты.

«Нафтогаз» разам з МЗС Украіны правялі спецыяльны брыфінг для прадстаўнікоў замежных дыпламатычных місій пра наступствы атак РФ на інфраструктуру нафтаправода «Дружба».

Пра гэта паведаміў у Facebook старшыня праўлення НАК «Нафтогаз Украіны» Сяргей Карэцкі.

Ён праінфармаваў, што ўдзел у брыфінгу прынялі прадстаўнікі 31 дзяржавы, у тым ліку краін G7 і еўрапейскіх партнёраў Украіны.

«Прадставілі вычарпальныя матэрыялы пра характар атакі і яе наступствы, у прыватнасці фота- і відэазапісы з месца здарэння. Таксама падрабязна праінфармавалі дыпламатаў пра выклікі, з якімі сутыкаюцца нашы калегі», — гаворыцца ў паведамленні.

Карэцкі дадаў, што аднаўленне падобнай інфраструктуры з’яўляецца складаным тэхналагічным працэсам, які патрабуе часу, а таксама спецыялізаванага абсталявання і працы ва ўмовах пастаянных пагроз паўторных атак расіян.

Таксама ён паведаміў, што «Нафтогаз» разам з МЗС Украіны працягвае інфармаваць міжнародных партнёраў пра наступствы расійскіх атак на энергетычную інфраструктуру Украіны і пра ход аднаўленчых работ.

Варта адзначыць, што нядаўна прэм’ер-міністр Венгрыі Віктар Орбан заявіў, што ў Кіеве некалькі дзён знаходзяцца венгерскія эксперты. Аднак, ці бралі яны ўдзел у брыфінгу, Карэцкі не ўдакладняе.