У панядзелак на беларускіх дарогах будзе слізка

• 15.03.2026, 14:46

Сіноптыкі прагназуюць галалёдзіцу.

Уначы і раніцай у панядзелак, 16 сакавіка, на асобных участках дарог сіноптыкі прагназуюць галалёдзіцу. У цэлым удзень будзе бясхмарнае надвор'е. Без ападкаў. Мінімальная тэмпература паветра ўначы -5..+1°С, на захадзе да +4°С. Удзень пацяплее да +9..+15°С.

І ў аўторак, 17 сакавіка, ападкаў чакаць не варта. Толькі на захадзе пройдуць кароткачасовыя дажджы. Вецер няўстойлівы, ад слабога да ўмеранага. Мінімальная тэмпература паветра ўначы -4..+1°С, на захадзе да +5°С. Удзень каля +6..+13°С.

У сераду, 18 сакавіка, будзе воблачна з праясненнямі. Мінімальная тэмпература паветра ўначы -4..+3°С, максімальная ўдзень +6..+12°С. Крыху цяплей на паўднёвым захадзе — там да +14°С.