У гасцініцы «Мінск» мужчына пералез праз агароджу балкона

• 15.03.2026, 17:19

На месцы выратавальнікі.

У гасцініцы «Мінск» мужчына выйшаў на балкон 6-га паверха будынка і перабраўся на вонкавы бок агароджы. На месца прыбылі экстрэнныя службы. Пра гэта паведамляе «Мінская праўда».

Да гасцініцы прыехалі міліцыя, хуткая і выратавальнікі. Выратавальнікі разгарнулі батут пад будынкам, пакуль мужчына ходзіць па краі балкона.

«Спецыялісты вядуць перамовы з мужчынам, які ходзіць па краі балкона, трымаючыся за металічную агароджу. Судзячы па ўсім, супрацоўнікі спрабуюць яго адгаварыць і прадухіліць трагедыю», – паведамляе з месца выданне.