CBS News: Алі Хаменеі лічыў свайго сына няздольным утрымаць уладу

• 15.03.2026, 20:18

Трамп пра гэта ведаў.

Амерыканская разведка мяркуе, што вярхоўны лідар Ірана, аятала Алі Хаменеі, які быў забіты ў Тэгеране ў выніку атакі ЗША і Ізраіля, асцерагаўся прыходу да ўлады свайго сына. Пра гэта паведамляе CBS News са спасылкай на крыніцы. Інфармацыя была даведзена да прэзідэнта ЗША Дональда Трампа і яго бліжэйшага атачэння, уключаючы віцэ-прэзідэнта Джэя Дзі Вэнса.

Паводле звестак крыніц, Хаменеі быў занепакоены магчымым лідарствам Маджтабы Хаменеі, бо лічыў яго «не вельмі здольным і не прыдатным» на ролю вярхоўнага лідара. Таксама ён ведаў пра цяжкасці ў асабістым жыцці сына: у 2004 годзе Маджтаба ажаніўся з Захрай Хаддад-Адэль, дачкі кіраўніка Меджліса Ірана Голям-Алі Адэля.

Пасля забойства бацькі 56-гадовы Маджтаба Хаменеі стаў яго пераемнікам. Пры гэтым, паводле дадзеных CBS News, у прыватных размовах Трамп адзначаў, што не ўпэўнены, наколькі звесткі пра сына былога вярхоўнага лідара маюць практычнае значэнне.