Зяленскі: Украіна вярнула кантроль над 434 квадратнымі кіламетрамі

• 15.03.2026, 21:20

І сарвала наступленне РФ.

Прэзідэнт Украіны Уладзімір Зяленскі заявіў у інтэрв’ю CNN, што ягоная краіна вярнула кантроль над 434 квадратнымі кіламетрамі тэрыторыі і сарвала новае наступленне расійскіх акупацыйных войскаў.

Паводле ягоных слоў, вораг планаваў пачаць аперацыю напрыканцы 2025 года і працягнуць яе вясной. «Яны рыхтавалі наступленне, а мы праводзілі контрнаступальныя дзеянні, каб не даць Расіі магчымасці нанесці маштабную атаку на полі бою. У выніку аперацыі напрыканцы года мы вярнулі кантроль над 434 квадратнымі кіламетрамі», — адзначыў Зяленскі.

Прэзідэнт падкрэсліў, што прынятыя крокі аказаліся «вельмі паспяховымі». Ён таксама дадаў, што Расія штомесяц страчвае 30–35 тысяч чалавек, у значнай ступені з-за эфектыўнага выкарыстання дронаў сіламі абароны на перадавой.