У Беларусі ўстаноўлены новы тэмпературны рэкорд

• 16.03.2026, 12:04

Максімум дня пабіты адразу ў некалькіх гарадах.

Сёмы дзень запар у Беларусі абнаўляюцца тэмпературныя рэкорды, сведчыць параўнальны аналіз аператыўных і архіўных дадзеных Белгідрамета.

15 сакавіка зафіксаваны новы тэмпературны максімум дня за ўвесь перыяд інструментальных метэаназіранняў (з 1881 года): у Брэсце паветра прагрэлася да 16,1 градуса вышэй за нуль. Папярэдні экстрэмум быў зарэгістраваны ў 2014 годзе ў Брагіне (15,4). У самім Брэсце перакрыты рэкорд 54-гадовай даўнасці (14,9).

Перавышаны максімумы ў Мінску — 12,3 градуса (11,3 у 1991 і 2024 гадах), у Гродне — 14,7 (14,1 у 1991-м), у Віцебску — 12,8 (11,9 у 2024-м).

Усяго за мінулыя суткі тэмпературныя рэкорды зафіксаваныя на 29 з 48 метэастанцыях, да архіваў якіх ёсць доступ.