У Пяскова спыталі пра лячэнне Хаменеі ў Маскве

• 16.03.2026, 13:20

Крэмль не стаў абвяргаць інфармацыю СМІ.

Крэмль не каментуе паведамленні аб меркаваным прыездзе новага вярхоўнага лідара Ірана Маджтабы Хаменеі у Маскву для лячэння. Пра гэта паведаміў прэс-сакратар Пуціна Дзмітрый Пяскоў.

«Падобныя паведамленні мы ніяк не каментуем», — сказаў ён.

Раней кувэйцкая газета Al-Jarida паведаміла, што Хаменеі, меркавана, даставілі ў Маскву 12 сакавіка для праходжання лячэння. Высокапастаўленая крыніца, блізкая да новага вярхоўнага лідара Ірана, паведаміла выданню, што яго вывезлі з Ірана на ваенным самалёце. Паводле яе слоў, Хаменеі ўжо перанёс аперацыю ў прыватнай клініцы.