Еўракамісар Ёргенсэн: ЕС не будзе імпартаваць ніводнай малекулы энергарэсурсаў з Расіі

• 16.03.2026, 16:15

Нельга паўтараць памылкі мінулага.

Еўракамісар па энергетыцы Дан Ёргенсэн выступіў супраць аднаўлення энергетычнага супрацоўніцтва з РФ на фоне крызісу на Блізкім Усходзе, паведамляе «Радыё Свабода».

«У Еўрапейскім саюзе мы вырашылі, што не хочам імпартаваць расійскую энергію… Вельмі важна, каб мы прытрымліваліся гэтага курсу. Мы ў Еўропе не можам наўпрост дапамагаць фінансаваць жорсткую і незаконную вайну Расіі. Мы занадта доўга залежалі ад расійскай энергіі, што дазваляла Путіну шантажаваць нас», — падкрэсліў палітык, каментуючы заклікі бельгійскага прэм’ера Барта дэ Вевера перагледзець адносіны з Расіяй.

Еўракамісар адзначыў, што ў ЕС рашуча настроеныя прытрымлівацца намечанага курсу на незалежнасць ад расійскіх энерганосьбітаў.

«Было б памылкай паўтарыць тое, што мы рабілі ў мінулым. Таму сігнал вельмі выразны: у будучыні мы не будзем імпартаваць з Расіі нават ніводнай малекулы», — дадаў ён.

Ёргенсэн адзначыў, што зніжэнню цэн будзе спрыяць павелічэнне часткі аднаўляльных крыніц энергіі ў Еўропе, а таксама большая ўзаемазвязанасць энергасістэм.