У Беларусі з'явіўся новы сэрвіс Ozon

• 16.03.2026, 17:10

У каталогу ўжо больш за два мільёны тавараў вядомых брэндаў.

Ozon Беларусь запусціў сэрвіс з абранымі брэндамі fashion-сегмента (модны сегмент). Асартымент Ozon Селект спецыялісты адбіралі ўручную. Там паабяцалі, што гэта будуць «арыгінальныя трэндавыя рэчы сярэдніх і прэміяльных цэнавых сегментаў», піша Telegraf.news.

Аснову каталога складаюць адзенне, абутак і аксэсуары вядомых і заходніх расійскіх брэндаў. Напрыклад, у Ozon Селект ужо даступныя калекцыі брэндаў EKONIKA, YULIAWAVE, Belle you, Askent.

«Сэрвіс будзе надаваць асаблівую ўвагу таварнаму выгляду і якасці ўпакоўкі», — запэўнілі ў прэс-службе.

Новае прыкладанне Ozon Селект у лаконічным дызайне спросціць пошук брэндавых рэчаў для пакупнікоў. У каталогу прадстаўлены правераныя рэчы ад папулярных брэндаў і нішавых марак сярэдняга сегмента і вышэй — на вітрыне даступна ўжо больш за 2 млн тавараў.

У аснове асартыменту — катэгорыя моды: мужчынскае, жаночае і дзіцячае адзенне, абутак і аксэсуары. Акрамя таго, пакупнікі змогуць набыць у Ozon Селект дэкаратыўную і даглядальную касметыку, электроніку для б'юці-працэдур (стайлеры, фены), тавары для стварэння хатняй утульнасці (тэкстыль, аксэсуары для дома).