Ізраіль заявіў аб знішчэнні касмічнага і спадарожнікавага цэнтра Ірана ў Тэгеране

• 16.03.2026, 19:16

Падрабязнасці.

Ізраіль заявіў у панядзелак, 16 сакавіка, што знішчыў комплекс, які выкарыстоўвалі іранскія вайскоўцы для развіцця касмічных магчымасцяў.

Пра гэта паведамляе тэлеканал CNN.

Армія абароны Ізраіля (ЦАХАЛ) заяўляе, што будынак у цэнтры Тэгерана выкарыстоўвалі для «распрацоўкі ваенных касмічных праграм», уключаючы спадарожнік Chamran-1, які Іран запусціў у 2024 годзе.

Фатаграфіі, што распаўсюджваюцца ў сацыяльных сетках, паказваюць відавочныя пашкоджанні Інстытута касмічных даследаванняў Тарашт у сталіцы краіны.

28 лютага пачалася сумесная аперацыя ЗША і Ізраіля супраць іранскага рэжыму. У выніку авіяўдараў быў ліквідаваны вярхоўны лідар Ірана аятала Алі Хаменеі. Яго сын Маджтаба Хаменеі быў абраны пераемнікам.