Рост цэн не спыняецца

• 16.03.2026, 20:47

На рынку нерухомасці Мінска — анамальны скачок коштаў некаторых кватэр і абноўлены рэкорд.

У Мінску ў лютым гэтага года адбыліся 1102 здзелкі з кватэрамі. Пра гэта паведамляюць аналітыкі «Авангард недвижимость». У параўнанні са студзенем іх колькасць павялічылася на 50,3%. Пры гэтым па чатырохпакаёвых кватэрах зафіксавалі прыкметны рост цэн, перадае «Зеркало».

У лютым адзін квадратны метр жылля ў сталіцы ў сярэднім каштаваў 2017 даляраў. Гэта на 0,15% больш, чым было ў студзені. «Рост цэн у Мінску па-ранейшаму не спыняецца, хоць ужо і не такі імклівы, як быў раней, — адзначаюць аналітыкі. — Сярэдні кошт квадратнага метра ў сегменце аднапакаёвых кватэр па-ранейшаму расце. У лютым гэтага года чарговае абнаўленне рэкорду — 2148 даляраў за квадратны метр. Гэта яшчэ +0,9% да паказчыка студзеня».

Па двухпакаёвых кватэрах у лютым зафіксавалі нязначнае зніжэнне сярэдняй цаны «квадрата» — да 1940 даляраў за «квадрат». Гэта на 0,5% менш, чым было ў студзені.

«Сегмент трохпакаёвых кватэр у лютым таксама са зніжэннем сярэдняй цаны квадратнага метра. Выніковыя 1842 даляры за квадратны метр. Або −0,7% ад значэння студзеня (1842 даляры), — звяртаюць увагу аналітыкі. — У сегменце чатырохпакаёвых кватэр усё стабільна нестабільна. Студзенскае падзенне змянілася істотным ростам сярэдняга кошту «квадрата». У сярэднім 1768 даляраў за квадратны метр па выніках лютаўскіх здзелак (+10,4% да студзеня)».