Зяленскі: Узброеныя Сілы Украіны сарвалі стратэгічнае наступленне расіян

• 16.03.2026, 22:29

Акупанты рыхтавалі наступальную аперацыю ў сакавіку.

Украінскія абаронцы сарвалі расійскую стратэгічную наступальную аперацыю. Вораг рыхтаваўся правесці яе ў сакавіку.

Пра гэта паведамляе Charter97.org са спасылкай на вячэрні зварот прэзідэнта Украіны Уладзіміра Зяленскага.

Кіраўнік украінскай дзяржавы падзякаваў воінам, якія абараняюць пазіцыі на фронце і знішчаюць акупантаў.

«Сілы абароны Украіны сарвалі расійскую стратэгічную наступальную аперацыю, якую вораг планаваў на гэты сакавік», — падкрэсліў прэзідэнт.

Паводле яго слоў, хаця варожыя штурмы і працягваюцца, іх інтэнсіўнасць і маштаб не тыя, што былі запланаваныя расіянамі і абяцаныя палітычнаму кіраўніцтву РФ.

«Гэта важна, таму што наша сіла на фронце — гэта сіла абсалютна ўсіх украінскіх пазіцый, нашых зносін са светам, нашай дыпламатыі, здольнасці свету быць з намі, якія б ні былі выклікі», — звярнуў увагу Зяленскі.

Асобна ён дадаў, што сёння, 16 сакавіка, размаўляў з галоўнакамандуючым Узброенымі Сіламі Украіны Аляксандрам Сырскім.

«Ёсць за што адзначыць украінскіх воінаў. Малайцы, хлопцы», — сказаў прэзідэнт.