Зяленскі прыбыў у Лондан

• 17.03.2026, 15:41

Прэзідэнт Украіны правядзе сустрэчы з каралём Карлам III і прэм’ер-міністрам Стармерам.

Прэзідэнт Украіны Уладзімір Зяленскі у аўторак, 17 сакавіка, прыбыў у Лондан. Пра гэта паведаміў журналістам яго прэс-сакратар Сяргей Нікіфараў.

Паводле яго слоў, спачатку Зяленскі сустрэнецца з каралём Карлам III у Букінгемскім палацы, а потым — з прэм’ер-міністрам Кірам Стармерам.

Прэзідэнт таксама выступіць перад членамі парламента Вялікабрытаніі. У прыватнасці, запланаваная трохбаковая сустрэча з генсэкам НАТА Маркам Рутэ і Стармерам.

16 сакавіка Стармер заявіў на брыфінгу па вайне на Блізкім Усходзе, што неўзабаве сустрэнецца з Зяленскім.