Затрымалі Марыну Адамовіч

• 17.03.2026, 17:33

Сілавікі чакалі яе каля дома.

Затрымалі жонку лідара беларускай апазіцыі, вызваленага палітвязня Мікалая Статкевіча, Марыну Адамовіч. Пра гэта палітык паведаміў у сваім Telegram-канале.

«Сёння каля дома затрымалі маю жонку Марыну Адамовіч. Нібыта хочуць узяць у яе тлумачэнні наконт атрымання ёю праваабарончай прэміі Homo Homini ў Празе замест мяне. Чакалі каля дома. Адзін прадставіўся следчым Казловым. Пакуль інфармацыі няма», — напісаў былы палітвязень.

Нагадаем, лідар беларускай апазіцыі, вызвалены палітвязень Мікалай Статкевіч стаў лаўрэатам прэміі Homo Homini на 28-м Міжнародным фестывалі дакументальнага кіно пра правы чалавека One World, які праходзіць у Празе. Замест палітыка прэмію атрымлівала ягоная жонка Марына Адамовіч.