Іран выпусціў ракетны залп па цэнтры Ізраіля

• 18.03.2026, 8:04

На вакзал Тэль-Авіва зваліліся абломкі.

Іран правёў масіраваную ракетную атаку па цэнтральнай частцы Ізраіля, у выніку абломкі збітых ракет зваліліся на чыгуначны вакзал у Тэль-Авіве.

Пра гэта паведамляе The Times of Israel.

Паведамляецца, што пашкоджанні ад ракетнага абстрэлу зафіксаваныя на чыгуначнай станцыі Савідор у Тэль-Авіве.

Ізраільская чыгунка паведамляе, што рух цягнікоў часова прыпынены з-за пашкоджання платформаў на станцыі.

Пажарныя таксама працуюць над тушэннем некалькіх пажараў у цэнтральных ізраільскіх гарадах Пэтах-Тыква і Кафр-Касім.

Выданне Algazeera апублікавала відэа з месца надзвычайнага здарэння — на ім відаць знявечаныя аўтамабілі, адзін з якіх перакуліўся ад выбухавой хвалі.

Атаку суправаджалі аварыйныя сірэны ў дзясятках месцаў па ўсім Тэль-Авіве — паблізу аэрапорта Бэн-Гурыён, на прыбярэжнай раўніне і на поўначы Заходняга Берага.

Варта адзначыць, што ЦАХАЛ у сваёй прэс-службе пацвердзіў ракетны абстрэл Ізраіля Іранам.