«Сабаленка б'е з такой сілай, што Серэна Уільямс адпачывае»

• 18.03.2026, 13:20

Беларуская тэнісістка ўражвае сваімі здольнасцямі.

Былая расійская тэнісістка Святлана Кузняцова лічыць, што беларуска Арына Сабаленка пераўзыходзіць па магутнасці 23-разовую чэмпіёнку турніраў «Вялікага шлема» Серэну Уільямс.

— Мяне заўсёды расчульваюць такія былыя тэнісісты, [як Марціна Хінгіс], якія кажуць пра сучасны тэніс. Вось я не магу параўноўваць хуткасці, якія былі тады і ёсць цяпер. Я трошкі перапісвалася з Арынай Сабаленкай пасля яе прайгранага фіналу «Ралан-Гарос-2025».

Мы гаварылі пра сілу, пра розум на корце. І, шчыра кажучы, калі я з Арынай трэнавалася, мне проста хацелася сачком збіраць мячыкі. Больш мне нічога не хацелася. Яна б'е з такой сілай, што Серэна Уільямс проста адпачывае.

Вось усе кажуць: у наш час, маўляў, такое было. Я такога казаць не хачу, — канстатавала Кузняцова ў YouTube-праекце First&Red.