Талон на тралейбус у Мінску падаражэе да чатырох рублёў?

• 18.03.2026, 13:48

Сталічныя «ўлады» агучылі «сумленны кошт» на праезд у грамадскім транспарце.

Старшыня мінскага гарадскога «савета дэпутатаў» (Мінгарсавета) Арцём Цуран 17 сакавіка падчас сустрэчы з калектывам ААТ «Керамін» заявіў, што мінчукі недаплачваюць за праезд у грамадскім транспарце.

Паводле яго слоў, талончык на тралейбус павінен каштаваць каля 4 рублёў.

«На сённяшні дзень пасажыр аплачвае толькі 30% кошту праезду. Астатняе кампенсуецца за кошт бюджэту горада. Калі б мы аплачвалі 100%, то талон на праезд сёння каштаваў бы каля чатырох рублёў», - заявіў Цуран.

Нагадаем, што ўлады беларускіх рэгіёнаў абвясцілі пра павышэнне кошту праезду ў гарадскім і прыгарадным грамадскім транспарце ў красавіку 2025 года. Вельмі верагодна, што гэтай вясной кошт квіткоў зноў вырасце. Але пакуль афіцыйнай інфармацыі пра гэта няма.