Польшча інвестуе ў энергетыку трыльён злотых

• 18.03.2026, 15:05

У Еўропе няма іншай краіны, якая б так хутка змяняла свой энергетычны сектар.

Польскі прэм'ер-міністр Дональд Туск абвясціў, што на працягу наступнага дзесяцігоддзя Польшча інвестуе трыльён злотых (каля $270 млрд) у сваю энергетыку.

Пра гэта, як піша Onet.

З аднаго трыльёна злотых больш за 220 млрд (каля $60 млрд) плануюць накіраваць на аднаўляльныя крыніцы энергіі і сховішчы энергіі, 234 млрд (каля $63 млрд) – на перадачу электраэнергіі, а 160 млрд (каля $43 млрд) – на атамную энергетыку.

«У Еўропе няма іншай краіны, якая б так інтэнсіўна і так хутка змяняла свой энергетычны сектар», – падкрэсліў Туск.

Ён дадаў, што войны ва Украіне і на Блізкім Усходзе, як ніколі раней, паказваюць, наколькі важнымі для нацыянальнай бяспекі з'яўляюцца энергія, пастаўкі і разумныя цэны.

«Непадалёк ад Гданьска мы будуем атамную электрастанцыю, якая стане агульным плёнам намаганняў амерыканскіх і канадскіх партнёраў, польскіх кампаній і еўрапейскіх сродкаў. Усё, што адбываецца ў Польшчы, з'яўляецца выдатным прыкладам таго, наколькі важным з'яўляецца захаванне адзінства ўсяго заходняга свету», – дадаў таксама Туск.

Ён адзначыў, што Польшча з'яўляецца найбуйнейшай энергетычнай будпляцоўкай, «бо нам трэба наверстаць шмат гадоў».

Туск таксама паведаміў, што разам з групай краін накіраваў ліст у Еўрапейскую камісію аб падаўжэнні бясплатных квот на выкіды вуглякіслага газу для прамысловасці, у тым ліку польскай.