ЗША і Ізраіль нанеслі ўдар па нафтагазавых аб’ектах на поўдні Ірана

• 18.03.2026, 16:53

Гараць нафтасховішчы і свідравіны.

Ізраіль і ЗША нанеслі ўдар па аб’ектах нафтагазавай прамысловасці «Эселуйе» і «Паўднёвы Парс» на поўдні Ірана. Пра гэта паведамляе іранскае агенцтва Tasnim.

«Частка аб’ектаў нафтагазавай прамысловасці ў раёне Паўднёвага Парса і Эселуйе каля гадзіны таму падверглася атацы», — сказана ў публікацыі.

На відэакадрах, што распаўсюджваюцца ў сацыяльных сетках, відаць клубы дыму ад пажару на нафтасховішчах і свідравінах.

Афіцыйных заяў з боку ўладаў пакуль не паступала, падрабязнасці атакі не прыводзяцца.

Афіцыйны прадстаўнік Міністэрства абароны ЗША пацвердзіў Axios, што ізраільскія ўдары па газавым аб’екце «Паўднёвы Парс» на поўдні Ірана былі ўзгодненыя з адміністрацыяй Трампа.

Радовішча «Паўднёвы Парс» лічыцца найбуйнейшым у свеце. Там здабываецца каля 70% усяго газу, здабытага ў Іране. Частка тэрыторыі радовішча знаходзіцца ў Катары.