«Белавія» скасавала рэйсы ў Дубай

• 18.03.2026, 18:05

Пасажырам прапануюць вярнуць квіткі.

Выконанне рэгулярных рэйсаў паміж Мінскам і Дубаем часова прыпыняецца да 19 красавіка ў сувязі з адкліканнем слотаў і дазволаў авіяцыйнымі ўладамі ААЭ, паведамляе «Белавія».

Пасажыры скасаваных рэйсаў могуць аформіць вяртанне квіткоў па месцы іх набыцця.

«Белавія» вядзе пастаянны маніторынг сітуацыі і працягвае працаваць над атрыманнем новых слотаў і дазволаў на палёты ў Дубай.