«Гэта мае беларускія карані даюць пра сябе ведаць»

• 18.03.2026, 18:29

Беларусы абмяркоўваюць марожанае са смаком драніка.

У Беларусі з'явілася незвычайнае марожанае — «Беларускі пламбір. Дранік». Фота з гэтым прадуктам апублікаваў адзін з беларусаў у сацсетцы Threads. Паводле яго слоў, гэтае марожанае ён купіў праз сэрвіс «Е-доставка».

Сайт Charter97.org паглядзеў, як карыстальнікі сацыяльных сетак адрэагавалі на з'яўленне такога марожанага з незвычайным смакам. Прыводзім некаторыя з каментарыяў:

— Я нават не магу ўявіць, якое гэта на смак.

— Падман. Няма там драніка. А маглі б і пакласці.

— Давядзецца цяпер у Беларусь ехаць па дранікавы пламбір.

— Пламбір з ражком са смаком смажанай цыбулі.

— Гэта вы яшчэ японскага марожанага не бачылі.

— На мой погляд, гэта шэдэўр.

— Дык смачнае ж.

— Я ўсё не магла зразумець, што за жаданне ў мяне было ў Італіі макаць бульбу фры ў джэлата 😂 Думала, гэта адпускныя збочванні, а аказваецца, гэта мае беларускія карані даюць пра сябе ведаць.

— Гэта прыкладна як бульбу з «Мака» макаць у марожанае?