Кіраўнік МЗС Літвы: Вяртанне да нармальных адносін з РФ немагчыма

• 18.03.2026, 19:07

Пытанне бяспекі Еўропы вырашаецца ва Украіне.

Кіраўнік МЗС Літвы Кястуціс Будрыс лічыць, што вяртанне да нармальных адносін з Расіяй цяпер немагчыма, паведамляе LRT.

«Вяртанне да нармальнага супрацоўніцтва з Расіяй немагчыма. Санкцыі павінны быць захаваныя і ўзмоцненыя, неабходна дамагчыся прыцягнення да адказнасці за ваенныя злачынствы, а таксама захаваць дыпламатычную ізаляцыю Расіі», — падкрэсліў міністр.

Будрыс адзначыў, што пытанне бяспекі Еўропы вырашаецца ва Украіне.

Ён таксама заклікаў да ўстойлівай і доўгатэрміновай падтрымкі Украіны, у прыватнасці да намаганняў па ўмацаванні яе перамоўнай пазіцыі, разблакіроўцы запланаванага крэдыту Еўрасаюза на 90 мільярдаў еўра і ўзмацненні ціску на Расію праз 20-ы пакет санкцый.