Беларусы сталі радзей хадзіць у кафэ і рэстараны

• 18.03.2026, 20:23

Зубожанне насельніцтва прызнаў нават Белстат.

З пачатку 2026 года беларусы сталі траціць менш грошай на кафэ і рэстараны, паведамляе Белстат.

Паводле даных Белстата, у студзені—лютым 2026 года рознічны тавараабарот у Беларусі дасягнуў 15,6 мільярда рублёў. Гэта на 1,3% больш, чым за аналагічны перыяд 2025 года.

Пры гэтым у ведамстве адзначылі, што выдаткі беларусаў на ўстановы грамадскага харчавання знізіліся на 3,4%.

У студзені—лютым 2026 года беларусы ў дзень у сярэднім трацілі 29 рублёў. Год таму гэты паказчык складаў 26,6 рубля.