У мінскім вадаёме выявілі масавую гібель рыбы

• 19.03.2026, 2:53

Фотафакт.

У мінскім вадаёме на вуліцы Гарэцкага выявілі замор рыбы, паведамляе Мінскі гарадскі камітэт прыродных рэсурсаў і аховы навакольнага асяроддзя.

Супрацоўнікі лабараторыі Рэспубліканскага цэнтра аналітычнага кантролю правялі адбор пробаў. Паводле папярэдняй інфармацыі супрацоўнікаў ветэрынарнай станцыі Фрунзенскага раёна, рыба загінула па натуральных прычынах з-за поўнага прамерзання вадаёма ў зімовы перыяд.

Нагадаем, раней эколагі выявілі загінулую рыбу ў Лунінцы ў Брэсцкай вобласці. Прычыну высвятляюць, але эколагі адзначылі, што працяглыя нізкія тэмпературы зімою прывялі да ўтварэння лёду на вадаёмах таўшчынёй да 40–50 см, што негатыўна адбілася на ўзроўні ўтрымання кіслароду ў водных аб'ектах.