Іран атакаваў стратэгічна важны НПЗ у Саудаўскай Аравіі

• 19.03.2026, 11:04

Завод на Чырвоным моры мог экспартаваць прадукцыю ў абыход Армузскага праліва.

Іран атакаваў завод SAMREF на Чырвоным моры — адзіны НПЗ, які мог экспартаваць сваю прадукцыю на іншыя рынкі ў абыход Армузскага праліва.

Пра гэта паведамляе Reuters.

Адзначаецца, што нафтаперапрацоўчы завод SAMREF нафтавага гіганта Saudi Aramco ў порце Янбу на Чырвоным моры стаў мішэнню паветранай атакі. Крыніца Reuters падкрэсліла, што ўздзеянне абстрэлу было мінімальным.

Іранскі КВІР раней выдаў папярэджанне аб эвакуацыі некалькім нафтавым аб’ектам у Саудаўскай Аравіі, ААЭ і Катары, уключаючы SAMREF.

Янбу цяпер з’яўляецца адзіным пунктам экспарту для любой нафты-сырцу з арабскіх краін Персідскага заліва, паколькі Іран фактычна закрыў Армузскі праліў, праз які звычайна праходзіць пятая частка сусветных паставак нафты.