У Мінску з’явіліся святлафоры з чатырма колерамі

• 19.03.2026, 11:11

Акрамя чырвонага, жоўтага і зялёнага на іх з’явіўся яшчэ і бела-месячны сігнал.

Мінская Дзяржаўная аўтамабільная інспекцыя (ДАІ) паведаміла, што пачала эксперымент на некаторых вуліцах сталіцы, усталяваўшы святлафоры з дадатковым «бела-месячным» колерам. Зразумела, навацыю абгрунтавалі імкненнем да павышэння бяспекі на дарогах. Але як рэагаваць на дададзены колер?

У ДАІ расказалі, што бела-месячнае святло павінна папярэджваць вадзіцеляў аб неабходнасці даць перавагу пешаходам або аўтамабілям падчас і пасля павароту на скрыжаванні.

Белы сігнал мігціць разам з дазваляльным зялёным, але ён не патрабуе дадатковых дзеянняў, акрамя як быць уважлівым і прапусціць пешаходаў, веласіпедыстаў або аўтамабілі ў адпаведнасці з ужо ўсталяванымі правіламі дарожнага руху (ПДР).

«Сталічная Дзяржаўная аўтамабільная інспекцыя просіць вадзіцеляў улічваць дадзеную інфармацыю і, пры наяўнасці на святлафоры падобных сігналаў, кіравацца імі, каб пазбегнуць здзяйснення ДТЗ (дарожна-транспартнага здарэння)», – папрасілі ў ДАІ.

Дарэчы, раней вучоныя з Універсітэта штата Паўночная Караліна (NCSU) заявілі, што на святлафорах трэба размясціць чацвёрты ліхтар, які будзе, у дадатак да чырвонага, жоўтага і зялёнага, свяціць белым святлом. Паводле іх слоў, да такой высновы яны прыйшлі пасля доўгіх даследаванняў. Але ў ЗША белы колер прапанавалі зусім не па той жа прычыне, што і ў Беларусі, і з іншай мэтай.