У Мінск прыехаў спецпасланнік Трампа Джон Коул

• 19.03.2026, 11:27

Ён праводзіць перамовы з Лукашэнкам.

Спецпасланнік прэзідэнта ЗША Дональда Трампа па Беларусі Джон Коул 19 сакавіка прыбыў у Мінск для перамоваў з Лукашэнкам, паведамляе блізкі да прэс-службы дыктатара тэлеграм-канал.

Сустрэча пачалася ў палацы Лукашэнкі ў Мінску.

Раней, 18 сакавіка, Коул наведаў Літву, дзе сустрэўся з прэм'ер-міністрам Інгай Ругінене. Яна выказала падзяку за актыўныя намаганні па вызваленні палітычных зняволеных у Беларусі. На сустрэчы таксама абмяркоўвалася сітуацыя з бяспекай у рэгіёне.