Лукашэнка — Коулу: На Блізкім Усходзе вы ваюеце супраць нашых сяброў

• 19.03.2026, 12:00

Дыктатар салідарызаваўся з рэжымам аяталаў.

Лукашэнка заявіў, што Злучаныя Штаты Амерыкі ваююць супраць яго сяброў — іранскага рэжыму аяталаў. Пра гэта кіраўнік сказаў спецпрадстаўніку прэзідэнта ЗША па Беларусі Джону Коулу 19 сакавіка.

«Я настойліва прасіў бы вас, каб мы абмеркавалі рэгіянальныя праблемы. І не толькі праблемы Украіны, але і глабальныя. І не толькі вайну на Блізкім Усходзе. Думаю, мая кропка гледжання па глабальных праблемах, асабліва па сітуацыі на Блізкім Усходзе, будзе важная для вас, паколькі вы ваюеце супраць нашых сяброў. І я гатовы шчыра пагаварыць на гэтую тэму», — сказаў дыктатар пасланцу Трампа, які прыбыў у Мінск.

Раней Лукашэнка заявіў, што «ЗША і Ізраіль разбамбілі старажытную краіну», а ліквідаванага тырана Алі Хаменеі назваў «гуманістам».