На волю выйшаў брэсцкі журналіст Алег Супрунюк

• 19.03.2026, 21:01

Яго затрымалі ў 2025 годзе і прысудзілі да трох гадоў пазбаўлення волі.

На волю выйшаў брэсцкі журналіст Алег Супрунюк. Пра гэта паведамляе праваабарончы цэнтр «Вясна».

Алег Супрунюк быў затрыманы ў 2025 годзе і прысуджаны да трох гадоў пазбаўлення волі. У мужчыны інваліднасць па слыху, але ў выпраўленчай калоніі № 15 у Магілёве, дзе ён адбываў пакаранне, не дазволілі карыстацца слыхавым апаратам.

Алег Супрунюк вядомы жыхарам Брэсцчыны як рэпарцёр, які асвятляў сацыяльна і грамадска значныя праблемы рэгіёна. За час працы ў прафесіі ён працаваў у газеце «Брэсцкі кур’ер», анлайн-выданні «Першы рэгіён», супрацоўнічаў з іншымі незалежнымі СМІ.

Нагадаем, 19 сакавіка на волю з калоніі выйшлі 250 палітвязняў. 15 з іх адправілі ў Літву, 235 засталіся ў Беларусі. Супрунюка сярод вывезеных у Літву няма.