Беларуска не змагла прачытаць верш для другога класа

• 2.03.2026, 11:32

Сацсеткі выбухнулі каментарыямі.

У TikTok з'явілася рэзананснае відэа з Беларусі. Карыстальніца Nadejda_kuksenkova выклала ролік, у якім спрабуе прачытаць верш з падручніка па літаратуры для 2-га класа. І прызнаецца, што не ведае такіх слоў — а значыць, дзіця тым больш не справіцца, піша Blizko.by.

Іроніі дадае тое, што словы, на якіх «спатыкаецца» і скажае націскі аўтарка відэа, тлумачацца проста над вершам.

— Людзі добрыя, скажыце мне: што гэта такое? Другі клас. Задалі вывучыць верш. Вось гэта што за словы такія, даруйце мне.

Далей лепш паглядзець відэа, бо націскі аказваюцца мацнейшыя за аўтарку відэа.

— А вось і тэкст верша:

Весняй зараначкай свецiць

Лашчыць,

Як звон ручая,

Самая, самая лепшая ў свеце

Мама мая.

— Я асабіста толькі гэтыя дзве радкі разумею: «Самая, самая лепшая ў свеце | Мама мая». Мамачкі, у мяне дзіця маліць не весці яго заўтра ў школу, бо ён не можа гэта вывучыць. Гэта нейкі трэш. Я, вядома, усё разумею, але можна ж як-небудзь вершы складаней пісаць, ці што?

Цікава, што проста над вершам Уладзіміра Карызны даюцца тлумачэнні тых самых складаных для аўтаркі відэа слоў: «гай», «зараначка», «лашчыць».

Па стане на раніцу панядзелка, 2 сакавіка, пад відэа пакінулі 2 663 каментары. Хтосьці нават падтрымаў жанчыну за кадрам.

— Мама, ідзіце ў школу з дзіцем, за суседнюю парту.

— Як можна навучыць дзяцей, калі бацькі нулявыя?

— Пастаўце правільна націск і убачыце, як прыгожа атрымаецца. Мой унук вывучыў проста і учора адказаў выдатна.

— Мама, вы як вучыліся ў школе?

— Аўтар, не слухайце негатыўныя каментары. Пагаджуся з вамі цалкам! Дзіўныя вершы, невядомыя паэты, складана, 2 клас. У нас у класе ўсе дзеці плакалі, пакуль вучылі. Так, бел. мова — наша мова, але ёсць добрыя, спявучыя вершы, хто складае гэтыя падручнікі???? Як гэта данесці да Мінадукацыі?????

— Да вас пытанне, як вы скончыли школу?

— Што вы напалі на маму. Каб правільна прачытаць і вывучыць, у падручніку павінен быць пазначаны націск у такіх словах. Тым больш гэта 2 клас. Самы пачатак вывучэння бел. мовы. Адкуль дзіцяці ведаць, як правільна. А што да вучобы мамы. Вершы былі простыя і зразумелыя. Я, напрыклад, вучылася ў Беларусі, і ў маёй школе беларуская мова не вывучалася. І такое было.

— Я ўчора з дзіцём таксама вучыла гэты верш, калі чытала, ледзь язык не зламала, і таксама нічога не зразумела. Дзіця кажа, што гэта самы нелюбімы прадмет.

— Усе такія разумныя, паслухалі на YouTube, мабыць, разоў па 100, а потым крытыкуюць мамачку. У мяне таксама ўнучка плакала, я сказала, хай не вучыць, — невялікая трагедыя. І адкуль яны толькі адкопваюць такія вершы!

— Паважаныя бацькі, калі вы ў такім негатыўным ключы абмяркоўваеце школьную праграму, дамашняе заданне і настаўнікаў, - не здзіўляйцеся потым, што вашы дзеці не хочуць вучыцца, рабіць урокі і ў школе паводзіць сябе так, каб да вас, як да бацькоў, не было прэтэнзій за іх паводзіны.

— Ні ў адзін націск не трапіла. Талент!

— Калі мама прапускала ўрокі беларускай мовы ў школе, дык якія прэтэнзіі да школы і паэта? Лягчэй дзесьці паскардзіцца, што з вершам нешта не так.