У Беларусі за дзень абнавіліся больш за дваццаць тэмпературных рэкордаў

• 2.03.2026, 12:28

Першы дзень вясны парадаваў незвычайна цёплым надвор'ем.

23 тэмпературныя рэкорды абнавіліся на метэастанцыях краіны 1 сакавіка, сведчыць праведзены «Позіркам» параўнальны аналіз аператыўных і даступных архіўных дадзеных Белгідрамета.

Цяплей за ўсё было на паўднёвым захадзе і паўночным усходзе, пры гэтым у паўночна-ўсходніх раёнах захоўваецца значны снежны пакроў (раніцай 1 сакавіка да 41 см у Верхнядзвінску), які астуджае паветра, у той час як на паўднёвым захадзе снег растаў. На некаторых станцыях экстрэмумы перавышаныя на 5–6 градусаў.

Максімум адзначаны ў Бярэзінскім запаведніку — 13,3 градуса вышэй за нуль. Гэта на 5,1 градуса больш за папярэдні лакальны рэкорд, які трымаўся 31 год.

Самаму старому перапісанаму максімуму 67 гадоў — столькі ён трымаўся ў Пружанах (11,8 супраць 11,4 у 1959 годзе).

У Мінску экстрэмум таксама перавышаны (8,9 супраць 8,3 у 1989 годзе).

Абсалютны максімум для ўсёй краіны ўстаяў (14,1 градуса 1 сакавіка 1989 года ў Лельчыцах), хоць Белгідрамет прагназаваў да 15 градусаў (на поўдні).

Напярэдадні, у апошні дзень у цэлым халоднай каляндарнай зімы, тэмпературныя рэкорды абнавіліся на 6 метэастанцыях.

У першы дзень вясны на беларускіх метэастанцыях зафіксавана больш за 20 тэмпературных рэкордаў | Pozirk

2 сакавіка, Позірк. 23 тэмпературныя рэкорды абнавіліся на метэастанцыях краіны 1 сакавіка, сведчыць