У Бабруйску ледзь не абрынуўся мост праз чыгунку

• 2.03.2026, 17:30

На месцы працавалі выратавальнікі.

У выратавальныя службы паступіла паведамленне пра магчымую небяспеку абрушэння пуцеправода над чыгуначнымі шляхамі на вуліцы Карла Маркса ў Бабруйску, паведамляе МНС.

Калі супрацоўнікі МНС прыбылі на месца, яны ўбачылі, што пешаходная дарожка ўздоўж пуцеправода сапраўды нахілілася.

Небяспечную тэрыторыю адразу агарадзілі, а рух транспарту перанакіравалі па іншых вуліцах.

Таксама на месцы здарэння адбылося выязное пасяджэнне гарадской камісіі па надзвычайных сітуацыях.