У акупаваным Алчэўску атакаваны металургічны завод

• 20.03.2026, 9:29

Зарэва было бачна здалёк.

На часова акупаванай Луганшчыне ў ноч на 20 сакавіка прагучалі выбухі. Пад атакай дронаў быў захоплены Расіяй горад Алчэўск.

Атакаваны, меркавана, Алчэўскі металургічны камбінат, які працуе на расійскую абаронную прамысловасць. Пра атаку піша Telegram-канал Exilenova+.

Што вядома

Пра дронавую атаку на Алчэўск, захоплены Расіяй яшчэ з лета 2014 года, у Exilenova+ паведамілі каля 05:30 раніцы 20 сакавіка.

У канале апублікавалі знятае жыхарамі горада відэа з момантам прылёту.

На кадрах чутны гул рухавіка дрона. У пэўны момант ён рэзка пачынае зніжацца — і паражае мэту. Камера аўтара відэа зафіксавала выбух і слуп агню, што ўзняўся.

«Алчэўск, Луганская вобласць, паведамляюць пра атаку на Алчэўскі металургічны камбінат», — адзначае Exilenova+.

Раней, на пачатку снежня 2025 года, па гэты завод ужо прылятала — і неспроста. Пасля таго ўдару ў Генштабе ЗСУ тлумачылі: на Алчэўскім металургічным камбінаце вырабляюць камплектуючыя (корпусы) для снарадаў па заказе Міністэрства абароны РФ.