Экс-трэнэра зборнай Беларусі па хакеі пазбавілі віду на жыхарства ў Латвіі

• 20.03.2026, 12:53

Цяпер ён працуе ў расійскім клубе.

Былы трэнер зборнай Беларусі па хакеі Уладзімір Крыкуноў паведаміў РІА Навіны, што яго пазбавілі віду на жыхарства ў Латвіі.

Крыкуноў працуе на пасадзе кансультанта ў «Сочы», дзе раней быў галоўным трэнерам.

«Мяне пазбавілі (віду на жыхарства ў Латвіі), але гэта да хакея не датычыцца. Я вяртаюся ў Маскву, у «Сочы» працаваць спыняю», — сказаў Крыкуноў.

Трэнер нарадзіўся ў Расіі ў 1956 годзе, нейкі час гуляў у рыжскім і мінскім «Дынама» ў часы СССР, трэніраваў мінскае «Дынама» ў 1985—1991 гадах, зборную Беларусі ў 2001—2003 і 2014 гадах, рыжскае «Дынама» ў 2021—2022 гадах, пэўны час працаваў у Славеніі і трэніраваў яе нацыянальную зборную, але ў асноўным працуе ў Расіі, трэніраваў зборную Расіі ў 2004—2006 гадах.