СМІ: Пуцініст Кіркораў амаль разарыўся з-за свайго шоу

• 20.03.2026, 13:17

Артыст вымушаны ісці на надзвычайныя меры.

Расійскі спявак Філіп Кіркораў, які падтрымлівае ўварванне РФ у Украіну, вырашыў прадаць сваю раскошную кватэру ў Маскве, якую ён збіраўся аддаць сваім дзецям — Марціну і Але-Вікторыі Кіркоравым.

Як пішуць расійскія СМІ, артыст-пуцініст цяпер паспешліва пазбаўляецца шыкоўнага жылля. З адпаведнай аб’явай ужо можна пазнаёміцца на спецыялізаваным сайце па продажы нерухомасці, паведамляе «Главред».

Там паведамляецца, што Кіркораў плануе выручыць за жыллё плошчай 210 кв. метраў 240 млн рублёў, якія будуць укладзеныя ў ягонае новае канцэртнае шоу.

«Так, я патраціў на сваё шоу нямала грошай, але ў мяне няма прадзюсараў. Не прывык стаяць з працягнутай рукой і ганаруся тым, што магу дазволіць сабе рабіць шоу ўласнымі сіламі», — абгрунтаваў сваё нечаканае рашэнне артыст.

У пачатку нулявых поп-кароль набыў чатырохпакаёвую кватэру па суседстве з Алай Пугачовай. Сума здзелкі на той момант — 356 млн рублёў.

У інтэр’еры выкарыстоўваліся найлепшыя матэрыялы: люстры з муранскага шкла, мэбля ад Versace, Cavalli, камоды ад Roberto Ventura, аздабленне аксамітам, золата і крышталі Свароўскі. У кватэры таксама была «абманка» — кніжны стэлаж з патаемным праходам, які вёў у спальню, дзе стаяў ложак Versace коштам каля 30 тысяч еўра.