У Францыі распавялі, як плануюць зняць блакаду Армузскага праліва

• 20.03.2026, 14:47

Эмануэль Макрон ініцыюе механізм ААН.

Францыя ініцыюе перамовы на ўзроўні ААН, каб аднавіць суднаходства праз Армузскі праліў.

Пра гэта заявіў прэзідэнт Францыі Эмануэль Макрон пасля саміту ЕС у Бруселі.

Што адбылося

Макрон абвясціў, што Францыя пачала кансультацыі з ключавымі партнёрамі наконт магчымасці стварэння механізму ААН для забеспячэння бяспекі праліва.

«Мы распачалі даследчы працэс, і ў бліжэйшыя дні пабачым, ці мае ён шанец на поспех», - заявіў ён.

Французскі лідар ужо правёў перамовы з двума ключавымі гульцамі:

Нарэндра Модзі - прэм'ер-міністр Індыі, размова адбылася па тэлефоне ў чацвер раніцай

Антоніу Гутэрыш - генеральны сакратар ААН, далучыўся да пасяджэння Еўрасавета падчас абеду.

Пасля гэтага Макрон праінфармаваў астатніх лідараў ЕС.

«Я думаю, што гэта тое, што можа дапамагчы. Я асцярожны, таму што гэта залежыць не толькі ад нас», - сказаў Макрон, не раскрываючы падрабязнасцяў плана.