Макс Корж хоча даць канцэрт у Стамбуле

• 20.03.2026, 15:36

Пачатак продажу квіткоў запланаваны на 24 сакавіка.

Беларускі музыкант Макс Корж абвясціў пра канцэрт у Турцыі. Мерапрыемства запланавана на 6 чэрвеня і павінна прайсці на стадыёне «Бешыкташ» у Стамбуле, які разлічаны прыкладна на 42 тысячы гледачоў.

Паводле анонсу, «на канцэрце прагучаць усе найлепшыя хіты Макса, а таксама новыя трэкі, і, магчыма, яшчэ не выпушчаныя песні». Людзям да 16 гадоў можна трапіць на канцэрт толькі ў суправаджэнні дарослага, які не абавязкова з’яўляецца сваяком.

Пачатак продажу квіткоў запланаваны на 24 сакавіка, аднак кошт пакуль невядомы.