У Расіі нестандартны кіпіш

• Алеся Бацман
• 20.03.2026, 16:32

Такая гісторыя некалькі гадоў таму наогул не магла б быць магчымай.

Пуцінскі блогер і юрыст Ілля Рэмесло раптам выступіў супраць Пуціна, назваў яго «ваенным злачынцам» і «злодзеем» і заклікаў судзіць. Ён заявіў, што вайна не патрэбная Расіі і што яна яе прайграе, а ў краіне пачынаецца «лічбавае гета».

Іншыя z-блогеры «затрымалі дыханне», «засунулі языкі ў свае зады» і пачалі чакаць, што ж цяпер будзе. А варыянтаў развіцця падзей, па сутнасці, было тры:

Рэмесло заб'юць;

Рэмесло пасадзяць;

Гэта пачатак змовы або бунту, і Пуціна хутка не стане.

Крэмль нядоўга ачухваўся і ўспомніў чацвёрты варыянт, любімы з савецкіх часоў, — «лячэнне нязгодных у псіхушцы». Ужо сёння раніцай Рэмесло раптам апынуўся ў піцерскім дурдоме на прымусовым лячэнні. Інфармацыйны пасыл Крамля народным масам зразумелы — нязгоднымі з Пуціным могуць быць толькі псіхі. Але…

Такая гісторыя некалькі гадоў таму наогул не магла б быць магчымай. У каструлі пад назвай «Расія» вада падкіпае, і крышка патроху пачынае падымацца. Акно магчымасцяў адкрываецца. Пытанне: хто ім зможа скарыстацца?

Алеся Бацман, «Фэйсбук»