СМІ: ЗША і Ізраіль атакавалі іранскі ядзерны аб’ект

• 21.03.2026, 14:09

Уцечак радыеактыўных матэрыялаў не зафіксавана.

У суботу, 21 сакавіка, нібыта быў нанесены ўдар па іранскім ядзерным аб’екце. Уцечак радыеактыўных матэрыялаў не зафіксавана, паведамляе «Фокус».

ЗША і Ізраіль нанеслі сумесны ўдар па ядзерным аб’екце ў Натанзе. Пра гэта паведамляе іранскае агенцтва Tasnim са спасылкай на Арганізацыю па атамнай энергіі Ірана.

«Комплекс па ўзбагачэнні імя шахіда Ахмадзі Роушана ў Натанзе сёння раніцай быў атакаваны», — гаворыцца ў заяве.

У паведамленні адзначаецца, што ўцечак радыеактыўных матэрыялаў у выніку ракетнага ўдару не зафіксавана.

Пагроза для насельніцтва прылеглых раёнаў адсутнічае.